A semana pasada conmemoramos no cole o Día da Poesía (21 de marzo) e o Día da Auga (22 de marzo) colocando no corredor do colexio un expositor con libros sobre a auga e un mural con obras famosas que previamente contaminamos con plásticos, tentando de crear conciencia da contaminación dos nosos mares e ríos.
Ademais unindo a poesía co tema da auga, colocamos diversos poemas con esa temática pola entrada do colexio e no corredor do colexio escoitouse o CD de "A música da auga".
Unhas nenas de 5° leron nas "Contadas da Biblioteca" uns poemas do libro
ESTA SEMANA PUXEMOS A ANDAR A MOCHILA VIAXEIRA PARA ASFAMILIAS.
OS INTERESADOS EN LEVAR PARA A CASA DITA MOCHILA QUE LLO FAGAN SABER AOS SEUS TITORES OU TITORAS. TAMÉN PODEN DEMANDALA ACHEGÁNDOSE A BIBLIO.ROSALÍA NO HORARIO DE TARDE.
Esta semana de Entroido foi moi especial na Biblio.Rosalía. Puidemos gozar dunhas ponencias nas que nos explicaron como se vive o entroido noutras partes do mundo e de Galicia.
O luns visitáronnos membros da comparsa "Mázcaras da Xironda" que nos explicaron onde é A Xironda, unha aldea de Ourense no concello de Cualedro, e como se vive o seu entroido, cun traxe tradicional de mais de 100 anos "A Mázcara", recuperada fai 14 anos pola asociación de entroido da Xironda.
Ademais de facer a exposición na biblioteca, foron a correr o entroido polo patio.
E despois do recreo visitaron educación infantil.
Tamén desfrutamos coa explicación do entroido en Louisiana polo auxiliar de conversa do cole Mitch. Falounos de como se festexa alí o "carnival", a música que soa, comida típica, cores...
O mércores foi o turno da profe Martina Esperante que nos explicou o entroido na comarca do Ulla, falándonos do traxe e o entroido dos Xenerais da Ulla.
Para elo contou coa axuda de Manolo (o bedel do cole) que se vestiu o traxe para que Martina nos puidera explicar todos os detalles.
Outro día nos visitou a mamá dunhas nenas de 4° de Educ. Primaria e de 6° de Educ. Infantil que é do Brasil, Eli Lima, que nos contou como se festexa alí o entroido.
O "Carnaval de Brasil" está cheo de cor, purpurina e baile (o baile típico é a "Samba").
E por último desfrutamos da explicación feita polo alumnado de 4°B e a súa mestra Xela Casas que nos contaron como se festexa o entroido noutra parte de Galicia, en Laza, contándonos como é o seu traxe tradicional chamado "Os Peliqueiros de Laza".
Trala explicación, invitaron os nenos asistentes a ponencia a colorear unha mascara de peliqueiro coa mascota da biblioteca: Siria.
Moitas Grazas a todos por facer esta semana de entroido tan especial na nosa biblioteca, permitindo aos nenos e nenas coñecer outros entroidos, algo que lles axudará a hora de participar no 3°Reto da biblio.rosalia.
