DIA DAS LETRAS GALEGAS

Un ano máis dende o cole Rosalía, conmemoramos o Día das Letras Galegas cunha chea de actividades sobre o noso idioma e a nosa cultura, e tamén coñecendo a figura homenaxeada este ano:

LUISA VILLALTA

Luisa Villalta Gómez (A Coruña 1957-2004)

Escritora, traductora e violinista galega. Foi docente de ensino secundario e cultivou varios xéneros: poesía, ensaio, narrativa e teatro. Destacou pola súa intensiva actividade cultural e por unha obra que combina a música e a palabra.

Os seus grandes éxitos son:

"Música reservada"

"En concreto"

Outras das súas obras son: "Silencio, ensaiamos", "O Don Hamlet de Cunqueiro, unha ecuación teatral, "Ruído", "As certezas de Ofelia", Papagaio".

Visitade a nosa biblioteca, non so para atopar máis información sobre esta autora senón tamén sobre outras e outros, na nosa lingua. 

A rapazada de Infantil aproveitou esta data para facer florecer a nosa lingua cun mural cheo de palabras galegas escritas en flores.

 DIA DA FAMILIA

O Día Internacional da Familia celébrase o 15 de maio de cada ano dende 1994.

Esta data foi proclamada pola Asemblea Xeral das Nacións Unidas facéndose eco da importancia que a comunidade internacional outorga as familias.

É unha ocasión propicia para promover a concienciación e o mellor coñecemento dos procesos sociais, económicos e demográficos que afectan a este importante núcleo da sociedade.

Para este ano 2024 as Nacións Unidas propoñen o lema:"FAMILIAS E CAMBIO CLIMÁTICO", co obxectivo de crear conciencia sobre cómo  o cambio climático afecta as familias e o papel fundamental que as mesmas poden desempeñar na acción climática.

Por outra banda, segundo a Organización Mundial da Saúde(OMS) podemos definir "familia" como o conxunto de persoas que conviven baixo o mesmo teito, organizada en roles fixos(pai, nai, irmáns, etc.)con vínculos consanguíneos ou non, con un modo de existencia e conómico y social comúns, con sentimentos afectivos que os unen e aglutinan.

Os tipos de familias actuais son moi diferentes as familias de 50 anos atrás así como esas tamén o eran respecto as de 50 anos máis atrás.

A evolución do concepto e os tipos de familias variou progresivamente igual que o fixeron a sociedade e a cultura, dando lugar a unha diversidade moi celebrable.

Ademáis no cole Rosalía faremos fincapé na diversidade familiar que podemos atopar na nosa sociedade ( familias de acollida, familias monoparentais, biparentais, familias reconstituídas, homoparentais, etc.) e a importancia de recoñecer, aceptar e respetar calquera opción.

Expoñemos fondos e materiais que se poden atopar na nosa biblioteca para traballar esta efeméride.

Tamén ofertamos diferentes materiais para traballar dende as titorías.

 ACTIVIDADE DE ESCRITURA

Os cursos de 1º e 2º de primaria levaron a cabo un obradoiro de escritura en arxila, da man de Julio Verne que comparou a súa volta ao mundo cunha viaxe a través dos países e do tempo para descubrir e coñecer as primeiras escrituras das que ten constancia o ser humano, que apareceron na zona da antiga Mesopotamia.

A escritura en arxila está en Sumerio, idioma que emprega a chamada "escritura cuneiforme"pola forma de cuña que teñen os seus trazos.

Así tamén traballaron o paso do tempo, a historia, o presente,o pasado e o futuro.

 FORMACIÓN DO PROFESORADO

A biblio do Rosalía é consciente da importancia de contar no noso centro con profesionais formados e actualizados en novas metodoloxías de traballo co alumnado, e con coñecementos renovados e adaptados as demandas da sociedade actual.

Por iso, a biblioteca somos o centro neurálxico e acolledor de todos os plans de formación do profesorado que levamos a cabo no centro, sempre enmarcados nos diferentes Plans de Formación Permanente do Profesorado que oferta a Consellería de Educación, e en constante colaboración co CAFI, organismo encargado da coordinación e a posta en marcha dos mesmos.

Neste curso o profesorado do Rosalía participou nos seguintes programas de formación:

POLOS CREATIVOS

Os polos creativos son espazos educativos innovadores cun deseño modular, dotados de equipación especializada e que ocupan espazos físicos definidos nos centros educativos. Funcionan como centro de actividades no que se traballa a intelixencia artificial e outras tecnoloxías intensivas, o encausado audiovisual e artístico, a realidade virtual e a impresión 3D, as tecnoloxías de control computerizado e fabricación aditiva, o mecanizado de diferentes materiais, a electromecánica, a robótica...

Así os docentes participaron nunha sesión de robótica enfocada sobre todo a educación infantil aínda que se traballaron contidos adecuados a primaria.

Tamén tiveron outra sesión sobre manexo e traballo coa cortadora láser..

FORMACIÓN DE CONVIVENCIA

Dada a importancia da creación dun clima axeitado de convivencia entre todos os membros que forman a comunidade escolar, o profesorado do centro levou a cabo un Pfpp de Convivencia para seguir mellorando o clima escolar e coñecer estratexias de manexo e resolución de conflictos, así como o traballo coas emocións e a súa implicación na convivencia e nos procesos de ensino-aprendizaxe.

CONTRATO-PROGRAMA IGUALA-T

Con este programa desenvolveremos accións para o fomento da coeducación, isto é, a promoción da igualdade de oportunidades entre homes e mulleres, a prevención, a detección e o tratamento das violencias  machistas e a promoción e o respeto pola diversidade afectivo-sexual e de xénero.

PROXECTO FAME CERO

En colaboración coa organización Mans Unidas, enmarcado no seu proxecto Fame Cero, o profesorado recibiu formación sobre o coidado e promoción da horta escolar, como continuación da súa posta en marcha en cursos anteriores.