ACTIVIDADES DE NOVEMBRO

Ola ratiños e ratiñas:

Tivemos uns problemas técnicos coa aplicación na que facemos este blog por iso estivo uns días sin moito movemento, aínda que no cole seguimos a traballar arreo.

En novembro celebramos o mes da ciencia na biblioteca e tamén o 25 N Día Internacional para a Eliminación da Violencia contra as mulleres.

En canto a esta conmemoración especial salientamos que os alumnos e alumnas de 6º curso, pasaron polas aulas ensinandonos a cantar "la puerta violeta" de Rozalén en linguaxe de signos, ademáis decoramos unhas bolboretas que encheron a árbore da entrada de mensaxes de apoio as vítimas desta violencia.

Coma sempre, expuxemos unha chea de fondos da biblioteca relacionados con esta temática, e participamos nas propostas do concello: O concurso de debuxo e o contacontos: "o monstruo de cores", para os máis peques. 

No mes da ciencia na biblio, fixemos uns experimentos de flotación e expuxemos unha mostra dos  nosos fondos científicos.

Acollemos tamén na biblio unha charla informativa a cargo de profesionais da Facultade de Óptica de Santiago sobre saúde ocular e a importancia das revisións periódicas da vista para detectar e previr posibles problemas visuais.

 CHARLAS NA BIBLIO

Con motivo do Día Internacional contra a Violencia e o Acoso Escolar, celebrado o pasado 2 de novembro, a mestra Susana (coordinadora de benestar e convivencia emocional), ofreceunos unha charla sobre o acoso escolar e a importancia de axudar aos demáis.

      FESTA MAGOSTO E SAMAÍN   

O pasado día 31 de outubro no cole Rosalía celebramos a festa do...

 MAGOSTO E SAMAÍN

Pola mañá todos/as viñemos disfrazados de cousas moi terroríficas.

Vimos uns cortos de medo, E tamén comemos castañas de merenda, momento que aproveitamos para entregar os premios aos gañadores do concurso de Arte Terrorífico.

Ademáis disfrutamos dunha visita especial dende México.Contáronnos a historia e a tradición do DIA DE MORTOS, o dia de todos os santos en MÉXICO, tamén montáronnos un altar de mortos moi típico nesa celebración.