RECOMENDACIÓNS LECTORAS E RECUNCHO DE INCLUSIÓN

O alumnado de sexto compartiu as súas experiencias lectoras durante as vacacións do verán.

Comezaron cun faladoiro sobre as súas lecturas de verán, quen leu, por que, onde e cando, ademáis de comentar os argumentos dos libros.

Descubrimos libros que leron por placer, por curiosidade ou para combater o aburrimento.

Creamos así un recuncho de recomendacións que se converta no punto de encontro de lectores e lectoras e axude a descubrir novas historias e aventuras, porque cada lectura é unha experiencia diferente, e cada opinión conta.

Creamos un podcast con estas recomendacións:

Acudide ao final desta publicación para escoitar os podcast.

Deixamos por aquí tamén o recuncho onde están depositados os materiais da maleta viaxeira de inclusión que solicitamos en préstamo a Bibliotecas escolares, que estará na biblio por un mes e que pode consultar e manexar o alumnado e docentes de todo o cole.

 OUTONO

Para abrir boca comezamos cunha actividade sobre o outono na que hai que localizar palabras que teñan que ver con esta estación do ano para elaborar con elas un pequeno relato.

 LECTURA E FAMILIAS I

Dende a biblio do Rosalía consideramos fundamental a axuda das familias no traballo coa lectura e a escrita, xa dende o alumnado máis cativo.

Por isto programamos unha serie de actividades colaborativas escola-familia, para implicar a estas últimas na aprendizaxe e mellora da competencia lectora no alumnado, comezando xa dende a etapa infantil.

 Aproveitamos a proposición dunha familiar dunha alumna, para vir facer unha mostra de pandeireta tradicional e baile galego aos máis pequenos do cole, que logo seguimos investigando a través dun libro desta temática:

Onte organizamos unha nova xornada colaborativa e de convivencia do alumnado de sexto de infantil e primeiro e segundo de primaria, pedindo  familias voluntarias para vir e lernos un conto de outono, no entorno cercano do Santiaguiño do monte, acompañándonos no paseo ata o lugar.

Estes foron os títulos seleccionados

Despois aproveitamos para facer unha recollida de elementos otoñais para montar mandalas naturais.

Para rematar a xornada merendamos de picnic.

Dende aquí agradecemos a colaboración dos voluntarios e voluntarias lectores.

 MOSTRA DE CINEMA  FOCO DO CONCELLO DE PADRÓN

Na xornada do xoves 15 de outubro, a biblioteca acolleu a proxección de "A Marola", curtametraxe de Ángel de la Cruz,  colaborando así coa  II mostra de cinema galego FOCO, organizado polo concello de Padrón.

A temática desta curta é a loita pola integración de xovenes inmigrantes que chegaron a Galicia buscando unha oportunidade.

O visionado completouse coa visita e coloquio  de Barry Elhadj Mamadou, que traballa nun centro de acollida de A Coruña, e tamén asistiu o codirector e programador do colectivo social FOCO: Ismael Romarís.

A biblioteca colabora así co equipo de convivencia