DESPEDIDA

Qué tal ratiños e ratiñas??

Hoxe Leo e Páxina pasamos por aquí para despedirnos. Remata o curso e imos ir de vacacións de verán a visitar outros lugares e coñecer novas lecturas.

O vindeiro curso viremos cargados de novos libros e contos, novas e emocionantes propostas e un montón de sorpresas máis.

Agardamos que no verán non deixedes as lecturas fresquiñas e que nos visitedes de novo na biblio a partires de setembro.

E como non, despedímonos con festa, o Festival do cole no que o pasamos moi ben desfrutando dos vosos bailes e actuacións.

PASADE MOI BO VERÁN E AGARDAMOS POR VOS EN SETEMBRO!!!!

 CONTACONTOS INFANTIL

Ola ratiños e ratiñas, qué tal estades?

O pasado martes día 20 tivemos a visita de Julia, unha profe do primeiro ciclo de Educación Infantil que veu a presentarnos un conto chulísimo que ela mesma escribeu.

O título do conto é "Un extraño en la granja" e fala da diversidade e da importancia de traballala, integrala e aceptala, xa que todos e todas somos diferentes.

Lembrade que os beneficios da venta deste conto serán doados ao proxecto creado no Hospital Clínico de Santiago para mellorara asistencia, docencia e investigación pediátrica.

Nos dende a biblio xa temos os nosos exemplares encargados, esperamos que cando os teñamos, volva Julia e os asine.

 RECOMENDACIÓNS LECTORAS PARA O VERÁN

Ola ratiños e ratiñas, Leo e Páxina estivemos a investigar sobre novas lecturas que vos poden gustar para entretervos no verán e seguir cos vosos hábitos lectores.

Son novidades moi fresquiñas que esperamos que disfrutedes moito.

Lembrade que aquí pretiño temos estupendas librarías e bibliotecas que nos poden axudar a conseguir estes títulos e moitos outros máis, facédelle unha visitiña e desfrutade do seu asesoramento e fondos.

Esperamos que vos gusten moito!!!

Un saúdo de Leo e Páxina

 REMATANDO NA BIBLIO

Ola ratiños e ratiñas, estamos chegando ao remate do curso e a biblioteca do Rosalía comeza a pechar as súas portas.

Neste mes de xuño, necesitamos que devolvades todos os libros que tedes emprestados e nós, Leo o Páxina adicaremonos a colocalos e organizar os espazos e materiais para que logo en setembro poidamos volver a vernos canto antes.

De momento, deixámosvos unhas fotos de diferentes actividades que se foron realizando na biblio, promovidas e/ou apoiadas por ela.

MOCHILAS VIAXEIRAS

CHARLA SAÚDE BUCODENTAL

OBRADOIROS DE EMOCIÓNS

CHARLA SOBRE TRASTORNO BIPOLAR

PRESENTACIÓNS DE LIBROS

ACTIVIDADES E XOGOS NO ESPAZO MAKER

APOIANDO A OUTRAS LINGUAS

CONTACONTOS DE MAIORES A PEQUES

BIBLIO NO PATIO

 DÍA DAS LETRAS GALEGAS 2023

Boas ratiños e ratiñas!! Leo e Páxina estamos moi emocionados de poder celebrar o noso primeiro...

Día das LETRAS GALEGAS!!

Sabedes por qué celebramos este día?

Pois para poñer en valor a nosa lingua e as súas manifestacións literarias. A nosa língua é importante así como tamén todo o traballo que se fai usándoa. 

Escolleuse o 17 de maio para a conmemoración xa que así rememoramos a primeira edición do libro "Cantares Gallegos" de Rosalía de Castro.

Cada ano nestas datas lembramos a un escritor ou escritora que apostara pola difusión do galego cos seus escritos e traballos.

Neste 2023, o homenaxeado é Francisco Fernández del Riego: escritor, político e editor.

Deixámosvos unha ligazón ao Seminario Galán onde atoparedes moita información sobre este personaxe, así como actividades moi interesantes sobre a súa figura.

http://seminariogalan.org/inicio/2023/documentos

 

No Rosalía fixemos unha exposición sobre a efeméride das Letras Galegas

 FEIRA DO LIBRO

Ratiños e ratiñas, a nosa feira do libro foi todo un éxito!!!!

Toda a comunidade educativa desfrutamos dos libros

Deixámosvos unhas imaxes desta festa, coa que conmemoramos o Día do Libro 2023,  esta data tan significativa para as bibliotecas.