DESPEDIDA

 DESPEDIDA

Bueno ratiños e ratiñas:

Un ano máis, as vosas mascotas favoritas, Leo e Páxina, pechan a biblioteca para iniciar o tempo de vacacións.

Esperamos que durante este curso visitarades moito a nosa biblio e desfrutárades con todas as propostas que de alí saíron.

Agardamos por vos no vindeiro curso xa que vos temos preparado un moreón de novas sorpresas.

Pasade un moi bo verán, descansade e collede forzas para setembro.

Despídense de vos: Leo e Páxina

Para rematar por aquí vos deixamos un vídeo de recomendacións para o verán, feito en colaboración coa biblioteca do CEIP Flavia, "Flavioteca".

ATA A VOLTA!!!!!

DIA DO LIBRO 23 ABRIL 2026: ACTIVIDADES

 

     DIA DO LIBRO 23 ABRIL 

  ¡Ola familias!

Debido a circunstancias alleas a nosa biblioteca, este ano non puidemos aínda celebrar a nosa tradicional feira do libro, para fomentar a lectura e o uso dos libros.

Aínda así dende a biblioteca ofertamos varias actividades relacionadas con esta celebración.

 O alumnado de 5º de primaria quixo converterse nun auténtico equipo de recomendacións lectoras. Despois de pensar nos seus libros favoritos, prepararon unha seleción moi especial para compartir con toda a comunidade educativa.  Amosámosvos unhas fotos de todo o traballo realizado.

Dende infantil decoramos a rapazada lectora

Tamén estamos a completar un mural con fotos e debuxos da recreación de portadas dos nosos contos favoritos.

CLUBE DE LECTURA

 

            ¡Bo día!

                     O noso "clube de lectura rosaliano" segue en marcha.

 Comezaron facendo unhas recomendacións lectoras de diferentes obras que leron e lles entusiasmaron e despois de outra xuntanza, decidiron desfrutar dunha nova lectura: Olympia (seguro que lles vai a encantar).

 Dende aquí queremos resaltar a importancia do clube de lectura, xa que ademais de ter en conta os beneficios que ofrece, este espazo é un punto de encontro para descubrir, imaxinar e crecer xuntos. Moitas grazas as nenas por seguir dando unha continuidade a esta actividade.

            Dende o Equipo de Polos Creativos, fixoselle un agasallo para todas as nenas do Clube de Lectura.

Cando o tempo axuda reúnense a falar de libros, no patio a sombra.

Agora queren rematar o curso lanzándose á creación e están a elaborar un guión para un corto do que xa vos iremos dando máis información.

 MOCHILAS VIAXEIRAS

Qué hai de novo ratiños e ratiñas?

A rapazada dos últimos cursos de cada ciclo: 2º, 4º e 6º, foi a encargada de ir rulando polas súas casas as mochilas viaxeiras que puxemos en marcha dende a biblioteca.

Ian cargadas de materiais interesantes non só para ler senón tamén para facer e experimentar.

Así quedaron uns cadernos de receitas, manualidades e experimentos super chulis. 

Están expostos na entrada do centro para que todos e todas poidades desfrutar deles.

Grazas a todas esta rapazada e as súas familias pola sua colaboración e implicación nesta actividade.

 ANO CASTELAO

Ratiñas e ratiños:

A Xunta de Galicia ven de proclamar este ano 2025 como o 

ANO CASTELAO

Dende o cole Rosalía propuxemos un reto para coñecer máis esta figura tan importante da literatura galega. Xincana de pistas sobre Castelao por todo o cole:

Sabedes que foi un precursor dos memes en galego??

Para coñecer máis sobre él e por qué lle adicaron este ano, podedes visitar a nosa biblio e achegarvos a mesa informativa que temos alí preparada.

Deixámosvos por aquí unhas imaxes dos compañeiros e compañeiras traballando no reto Castelao, e amosando o diploma de recoñecemento e o labirinto que conseguiron como agasallo.

Agasallo: xogo de labirinto feito grazas a impresora 3D de Polos Creativos

Dende o colexio de Rianxo que leva o nome de Castelao, o alumnado de sexto foi convidado a facer unha visita ao mesmo e coñecer moitos máis aspectos desta figura literaria.