VISITAS NA BIBLIO

Ola ratiños e ratiñas:

Hoxe veunos visitar a biblio unha persoa grazas a cal podemos desfrutar das nosas lectura favoritas no noso querido idioma galego.

Nada máis e nada menos que...

CHARO BALEIRÓN!!

Filóloga, traductora e asesora linguística do idioma galego.

Ela foi a encargada de traducir ao galego o libro INVISIBLE  de Eloy Moreno, do cal contamos cun exemplar entre os fondos da biblio.

Os cursos aos que foi dirixida a charla foron 4º, 5º e 6º de primaria. Coñeceron en que consiste o oficio de linguista e traductora e fixéronlle un montón de preguntas a modo de entrevista.

Para rematar deixóunos unha dedicatoria. 

Contamos xa con Charo como amiga da biblio do Rosalía.

MOITAS GRAZAS POLA TUA PRESENZA!!

 IX EXPOSICIÓN DA CAMELIA E O BONSAI DE PADRÓN

Dende a biblioteca do cole Rosalia facémonos eco da participación do cole na exposición de Camelias de Padrón, cunha creación confeccionada con camelias e alusiva ao 50 aniversario do colexio que ten lugar neste ano 2025.

Moitas das camelias foron aportadas polo alumnado do centro.

Este é o resultado, que podedes ver en directo durante toda a fin de semana no Convento do Carme en Padrón.